Молия бозори иштирокчилари миллий уюшмасининг (НАУФР) янги аъзоси !
2025 йил июнь ойида "Asaka Finance Garant" микромолия ташкилотининг очилиш маросими бўлиб ўтди. Асакабанк қошида ташкил этилган ушбу янги ташкилот кичик ва ўрта бизнес ва аҳолига замонавий, қулай молиявий хизматларни таклиф қилади.
Жисмоний шахслар учун 5 миллиондан 100 миллион сўмгача, юридик шахслар учун эса 300 миллион сўмгача микрокредит ва микроқарзлар ажратилади. Ташкилот банк кафолати хизматини ҳам тақдим этади, бу эса бизнес субъектлари учун муҳим аҳамият касб этади.
Келажакда "Asaka Finance Garant" бутун республика бўйлаб филиаллар очиш, онлайн хизматларни ривожлантириш ҳамда хорижий инвестицияларни жалб қилиш орқали ўз фаолиятини янада кучайтиришни режалаштирмоқда. Бу эса мижозларга кўрсатиладиган хизматларнинг сифатини ва қулайлигини янада оширишга хизмат қилади.
