2024 yil 16-17 may kunlari Moliyaviy Bozor Ishtirokchilarning Milliy Assotsiatsiyasi va O‘zbekiston Respublikasi Huquqni Muhofaza qilish Akademiyasi tomonidan nobank kredit tashkilotlarining ichki nazorat xizmati rahbarlari uchun malaka oshirish kursi o‘tkazildi.
Maxsus malaka oshirish kursi O‘zbekiston Respublikasi Prezidentining Qarorining ( 10.11.2023 yildagi PQ-364-son ) 8-band ijrosini amalga oshirish yuzasidan tashkil etildi.
Ushbu tadbir nobank kredit tashkilotlarida ichki nazoratni taʼminlash va xavflarni boshqarishga javobgar mutaxassislarning kasbiy kompetensiyalarini takomillashtirish maqsadida tashkil etilgan.
Ikki kunlik dastur doirasida ishtirokchilar quyidagi dolzarb masalalarni ko‘rib chiqdilar:
· Nobank kredit tashkilotlari faoliyatining normativ-huquqiy tartibga solinishi
· Ichki nazorat xizmatini tashkil etishning eng yaxshi amaliyoti
· Xavflarni boshqarish va muvofiqlik nazorati
· Pul oqimlarini legallashtirish va terrorizmni moliyalashtirishga qarshi kurashish
· Ichki tergov va huquqni muhofaza qiluvchi organlar bilan hamkorlik
Qonunchilikdagi o‘zgarishlar, ichki nazoratning samaradorligini oshirishga yo‘naltirilgan yangi yondashuv va vositalarga alohida eʼtibor qaratildi.
Ushbu o‘quv kursi nobank kredit tashkilotlari ichki nazorat xizmati rahbarlariga bilimlarini yangilash, tajriba almashish va kasbiy faoliyatidagi dolzarb masalalarni hal qilish imkonini berdi.
Taqdimot materiallarini bu yerdan yuklab olishingiz mumkin
Tadbirdan fotoreportajni bu yerdan yuklab olishingiz mumkin